سبحان الله يا أخي في اسماء کده معلقة معانا ولما بتتذكر قدامنا بيتطاير لأذهاننا العديد من الصور دا لأننا
بنكون رابطينها بأحداث معينة أو شخصية تأثرنا بيها .. او في الغالب بتخلينا نحس بالنوستالجا والحنين إلي
الماضي .. من ضمن الأسماء دي هو :Tom أو عشان نكون أدق توماس
فمثلا لو انت من العظماء إلي بيتابعوا رسوم متحركة ومن حقبة التسعينات فيما فوق ف Tom دا بیمثلك
شخصية القط Tom في توم اند جيري ..ولو انت من متابعي (peaky blinders ) فتوم دا بيمثلك شخصية
توماس شيلبي بطل المسلسل إلي هو بيتكتب علي صوره مواعظ عمره ما قالها ده .. ولو انت من عشاق الساحرة المستديرة فانت اكيد عارف (توماس مولر)نجم بايرن ميونخ ولو انت من الجماعة الأكيلة ف Tom بيمثلك التوم الي بيتحط مع البصل ده علي ال .....لا مش ده مش ده .. دا اسمه ثوم !
المهم انك لو ركزت شوية هتلاقي في اعلام كتير بيحملوا نفس الإسم .. طب هل ده صدفة أم في سبب وراء
الموضوع ده ؟!
طيب ..توماس اصلا هي كلمة آرامية معناها التوأم .. اول حد اتسمي بالأسم ده كان القديس توماس أو توما الرسول واحد من تلاميذ المسيح الاثني عشر عشان كده هتلاقي الإسم ده له قدسية خاصة عند المسيحيين.. ونظرا لاستخدام الإسم ده في اكتر من لغة تم تأويل اللفظ الأصلي لأكتر من شكل فهنلاقي ناس اسمها:
توم أو تومي أو توما. .كل ده عادي .. اسم بيحمل طابع ديني فحظي بمكانة عالية عند الغرب .. لكن الغريب في الموضوع أن حرفيا معظم الأشخاص إلي حملوا اسم توماس تحولوا من أشخاص عادية لمشاهير في مجالات مختلفة .. عندك توماس إديسون الفيزيائي المشهور وعشرة رابعة ابتدائي .. توماس إدوار لورنس أشهر رحالة انجليزي .. توماس جفرسون الرئيس الأمريكي السابق .. توماس هاردي شاعر وروائي انجليزي
وغيرهم وغيرهم من اعلام تانية العامل المشترك بينهم ان كلهم توماس .. الصدفة الغريبة في حمل كل
الأشخاص دي لنفس الإسم حولته عند الناس من مجرد اسم رجل دين الإسم بيجلب الحظ لصاحبه .. ايوه زي
ما بقولك كده. دا حتي لما تعمل استفتاء على منصة quora عام 2018 كان موضوعه هل تحب يكون اسمك
توم والي كانت معظم الإجابات عليه بتحمل طابع إيجابي تجاه الإسم ده غير ان كان في اجابات من أشخاص
بيحملوا فعلا الإسم عبروا عن مدي سعادتهم بإسمهم وانه الزاي ساعدهم في حياتهم المهنية .. تخيل تتعين
في وظيفة لمجرد أن اسمك توماس !.. في الأربعينات بقا وانت طالع الإسم ده اكتسب قيمة تسويقية كبيرة
وبقي محط أنظار شركات الإنتاج السينمائي نظرا لأنه مستهلك عند العديد من عائلات الغرب خاصة
الأمريكية ..فهنلاقي ويليام هانا استخدم الإسم في اختراع شخصية توم بطل مسلسل الأطفال الأشهر tom
and Jerry .. بالإضافة إلى أن ستيفن نايت أطلق نفس الإسم علي الممثل کیلیان مورفي، علاوة علي أن
في نجوم سينما زي توم كروز وتوم هالاند أكدوا أنه أسمائهم كانت من عوامل صعودهم ..وبكده يكون
وضحلك أن مسألة اختيار اسماء الشخصيات دي بتبقي مدروسة أوي .. فطبيعي انك تلاقي الشبه الكبير في
الإسم بين اكتر من بطل في اكتر من مسلسل وان كلهم اسمهم توم .. بإختصار مش كل ما هو مميز توم .. لكن كل ما هو توم مميز.
ليست هناك تعليقات:
إرسال تعليق